B06.336.006 Определение гомоцистеина в сыворотке крови методом иммунохемилюминисценции

Орындау мерзімі биоматериалдың зертханаға келіп түскен сәтінен бастап 2-3 күн.<br> <br> Гомоцистеин — метионин аминқышқылының алмасуында пайда болатын аралық зат. Бұл аминқышқылдың ағзада пайдалы қызметі анықталмаған, алайда оның жоғары деңгейі (гипергомоцистеинемия) көптеген жүрек-қантамыр ауруларының даму қаупін арттырады.<br> <br> Гомоцистеин қан тамырларының ішкі қабырғасын зақымдайды. Нәтижесінде, зақымданған жерге холестерин мен кальций жиналып, атеросклероз дамиды. Жүректің ишемиялық ауруы бар науқастардың 13–47%-ында гомоцистеин деңгейі жоғары болатыны анықталған. Сонымен қатар, оның жоғары концентрациясы тромб түзілуіне әкелуі мүмкін, бұл әсіресе жүкті әйелдер үшін қауіпті — тромб плацентаның бітелуіне және жүктіліктің үзілуіне себеп болады.<br> <br> Гомоцистеин деңгейінің көтерілуіне В12 дәрумені мен фолий қышқылының жетіспеушілігі әсер етеді. Сондықтан бұл аминқышқылдың деңгейін анықтаумен қатар, осы дәрумендердің деңгейін де зерттеу ұсынылады.<br> <br> <b>Талдау тағайындалады:</b><br> <br> <ul> <li>жүрек-қантамыр аурулары (инфаркт, инсульт);</li> <li> қант диабеті кезінде (тамыр асқынуларының қаупін бағалау үшін);</li> <li> жүктілікті жоспарлау және жүктілік кезінде;</li> <li> тромбозға бейімділік;</li> <li> В12 дәрумені және фолий қышқылы тапшылығына күмән туғанда.</li> </ul> <b>Зерттеу әдісі:</b><br> Иммунохемилюминесценттік талдау — гомоцистеин деңгейін дәл анықтауға мүмкіндік беретін жоғары сезімтал зертханалық әдіс.